ПФЛ майдон четидаги тўпларни яширгани учун «Навбаҳор»ни, қайдномани кеч бергани учун «Пахтакор»ни жаримага тортди

Профессионал футбол лигаси (ПФЛ) ЎФА Тартиб-интизом қўмитасининг 9 сентябрь кунги йиғилишида эсга олинган, бироқ қўмитанинг ваколатига кирмайдиган айрим қоида бузилиш ҳолатлари бўйича жарималар белгилади.

Ўзбекистон Кубоги чорак финали доирасида кечган «Навбаҳор» — «Пахтакор» учрашувида (2:1) меҳмонлар ўйин қайдномасини регламентда кўрсатилгани каби 90 дақиқа олдин эмас, 60 дақиқа аввал тақдим этган. Ушбу ҳолат бўйича «Пахтакор» клубига жарима қўлланилган.

Ушбу учрашув вақтида «Навбаҳор» расмийлари майдон четида тўп узатувчи болаларнинг қўлидаги тўпларни яшириш орқали ўйин темпига таъсир қилмоқчи бўлган. Регламентга кўра, майдон четида камида 8 та захира тўпи бўлиши керак. ПФЛ вакилларининг аралашувидан кейин ҳам майдон четида учта тўп қолдирилган. Мазкур ҳолат сабаб Наманган клуби жаримага тортилган.

Ўйинни жиддий кузатаётган Бабаян, мухлисларга тўла стадион ва ғалабани нишонлаётган «Навбаҳор». Ўзбекистон Кубоги чорак финалидан фотогалерея

Қайд этилишича, Суперлига доирасида ўтган «Пахтакор» — «Навбаҳор» учрашувида (2:1) ҳам шундай ҳолат тошкентликлар клуби томонидан содир этилган. Бироқ ПФЛ комиссарининг аралашуви билан тўплар жойига қайтарилган.

Суперлига 18-туридан ўрин олган «Пахтакор» — «Metaллург» учрашувидан кейин меҳмонлар матбуот хизмати томонидан клуб расмий саҳифаларида учрашув ҳакамларига нисбатан айбловлар эълон қилинган. Бунинг ортидан «Metaллург» жаримага тортилган.

Мавзуга доир: «Насаф» бош мураббийи Рўзиқул Бердиев 3 та ўйинга четлатилди