9 сентябрь куни Ташқи ишлар вазирлигида Греция миллий-маданий маркази раиси Константинос Политис билан Ўзбекистон—Греция муносабатлари ва истиқболларига бағишланган учрашув ўтказилди, деб хабар бермоқда Дунё ахборот агентлиги.
Қайд этилишича, учрашув доирасида Константинос Политисга Ўзбекистон президентининг миннатдорлик мактуби топширилган. Ўз ўрнида, Константинос Политис давлат раҳбари томонидан кўрсатилган эътибордан мамнунлигини билдирган.
Шунингдек, учрашувда икки томонлама муносабатларнинг маданий ва таълим соҳаларидаги ҳамкорликни янги босқичга олиб чиқиш бўйича фикр алмашилган. Хусусан, Константинос Политис Греция миллий-маданий маркази фаолияти тўғрисида тўхталиб, яқин истиқболдаги режа ва тадбирлар юзасидан маълумот берган.
Суҳбат якунида жорий йил Ўзбекистон–Греция дипломатик муносабатларига 30 йил тўлиши муносабати билан 6 ноябрь куни маданий-маърифий тадбир ўтказиш бўйича келишувга эришилган.
Изоҳ (0)