Ayni kunlarda “Xalqlar do‘stligi” san’at saroyida “Bravo” jamoasining konsert dasturi bo‘lib o‘tmoqda. O‘n bir kun davom etadigan dasturda negadir Shahlo Zoirova ko‘rinish bermadi. U Instagram tarmog‘idagi akkauntidagi “Shahlo bravo” nikini ham o‘zgartirdi. Sinchkov muxlislarning fikricha, u biror marta jamoadoshlarini ijtimoiy tarmoqlar orqali tabriklagani ham yo‘q. Demak, bundan taxmin qilish mumkinki, uning jamoadoshlari bilan munosabati unchalik yaxshi emas. Masalaga oydinlik kiritshi maqsadida “Daryo” muxbiri “Bravo” jamoasi badiiy rahbari Umid Umarov bilan bog‘landi.
— Shahloning to‘y xizmatlari ko‘p. Hozircha shu. U bilan ziddiyatga borganimiz yo‘q, bilganimiz turmush o‘rtog‘i ko‘proq oilaga vaqt ajratishini so‘rabdi. Shu bois, bu yilgi konsertda ishtirok etolmaydi, — deydi Umid Umarov.
Bundan avval guruh tarkibiga aktrisa Nargiza Salmonova rasman qabul qilinganini ma’lum qilingandi. Yangi dasturda Durdona Qurbonova ham ishtirok etyapti. U ham guruhga rasman qabul qilindimi?
— Buni vaqt ko‘rsatadi. Hali aniq to‘xtamga kelganimiz yo‘q. Durdona Qurbonovaning jamoada qolish qolmasligi esa hali noma’lum. Yana Shahlo bilan ishlash ehtimolimiz ham bor, — deya qo‘shimcha qildi Umid Umarov.
Mavzuga doir:
- Nargiza Salmonova “Bravo” a’zosiga aylandi. Aktrisa kulgi jamoasining xorijdagi konsertlarida Shahlo Zoirova o‘rniga ishtirok etmoqda
- Otabek Mirzaxolov konsertdagi hazili uchun diniy idora xodimi va masjid imomidan tanbeh eshitgani haqida gapirdi (video)
- “Bravo” jamoasi a’zosi behayo hazillar qilgani uchun keragidan ortiq jazolanganini ma’lum qildi (video)
- To‘yiga belgilanganidan ortiq odam chaqirgan “Bravo” kulgi jamoasi a’zosi Ahmad Temurov jarimaga tortildi
Izoh (0)