Украина президенти Владимир Зеленский украиналик ҳарбийлар Харьков вилоятидаги Балаклея шаҳри устидан назорат ўрнатганини эълон қилди. «Украина байроғи озод Украина осмони остидаги озод украин шаҳрида!» дейилган президент Telegram каналида чоп этилган видео изоҳида. Унинг сўзларига кўра, куз бошидан бери Украина армияси минг квадрат километрдан ортиқ майдондаги ўнлаб аҳоли пунктларини озод қилган.
Россияликларнинг Грузияга кириши оммавий равишда тақиқлана бошлади, Болтиқбўйи мамлакатлари ва Польша эса 19 сентябрдан бошлаб туристик Шенген визаси бор россияликларнинг киришига рухсат бермайдиган бўлди. АҚШ Давлат котиби Энтони Блинкен кутилмаган ташриф билан Киевга келди. Санкт-Петербурглик муниципал депутатлар Давлат Думасидан Россия президенти Владимир Путинни давлатга хиёнат сабабли лавозимидан четлатишни талаб қилди — улар полицияга чақирилди. Meduza урушнинг 197-кунига оид асосий фотосуратларни жамлади.