Канада қироллик отлиқ полицияси Саскачеван провинциясида ҳиндулар резервациясига пичоқ билан ҳужумда гумонланаётган иккинчи шахсни қўлга олди, деб ёзади «Коммерсантъ». Аввалроқ биринчи гумонланувчи ўлик ҳолда топилганди.
Полиция хабарига кўра, гумонланувчи Майлз Сандерсон Саскачеван провинциясида Ростерн шаҳри яқинида ушланган. 5 сентябрь куни полиция Дэмиен Сандерсоннинг жасадини топган эди, у ҳам ҳужум қилганлардан бири деб ҳисобланилмоқда. Танасидаги жароҳат излари унинг ўз-ўзига зарар етказганидан дарак бериши мумкин.
4 сентябрь куни икки эркак кри ҳиндуларининг Жеймс Смит резервациясига ва Уэлдон қишлоғига ҳужум қилган эди. Оқибатда ўн киши ҳалок бўлиб, яна 18 киши яраланган. Маҳаллий ҳукумат Жеймс Смит ҳудудида фавқулодда вазият режимини эълон қилди, у 30 сентябргача амал қилади.
Полиция ҳужумда ака-ука Майлз ва Дэмиен Сандерсонларни гумон қилмоқда. Fox News маълумотларига кўра, Майлз Сандерсон 59 марта, шу жумладан, ўғирликлар ва зўравонлик ҳаракатлари учун судланган, май ойидан буён у муддатидан олдинги шартли озод этилиш шартларини бузганлик учун қидирувда бўлган.
Тергов маълумотларига кўра, ака-укалар 13 та турли жойларда жиноятлар содир этган. Майлз Сандерсон ўсмирлик давридан буён алкоголь ва наркотиклар билан боғлиқ муаммолари бўлган. 14 ёшидан кокаин истеъмол қилишни бошлаган.
Мавзуга доир:
- Бразилия чакалакзорларида туб қабилалардан бирининг сўнгги вакили вафот этди. У 26 йил бутунлай ёлғиз яшаган
- Амазонкадаги жума қабиласининг сўнгги вакили коронавирусдан вафот этди
- Бразилиялик олтин қидирувчилар ҳеч қачон ташқи дунё билан алоқада бўлмаган қабила ҳиндуларининг 10 нафарини ўлдирди
- Aмазония ҳиндулари коронавирус сабабли қирилиб кетиши мумкинлиги тахмин қилинди
Изоҳ (0)