Самарқанд вилояти, Самарқанд шаҳри, Абу Мансур кўчасидаги ҳовли кимошдига қўйилди. Лот маълумотлар «E-auksion» порталида эълон қилинган.
Лот аукционга жиноят ишлари бўйича суд ҳукми билан Самарқанд шаҳар МИБ томонидан жойлаштирилган. Ушбу ертўла ва айвонга эга уй 13 хонадан иборат.
Ер участкасининг умумий майдони — 0,09 гектар. Бинонинг майдони — 457
квадрат метр. Ҳовлида газ ва электр таъминоти бўлса-да, сув ва канализация тизими мавжуд эмас.
Аукционга қўйилган ҳовлининг бошланғич баҳоси — 1,25 млрд сўм. Аризалар 15 сентябрь 09:00 га қадар қабул қилинади. Савдолар худди шу куни 10:00 да бошланади.
Аввалроқ аукционга қўйилган энг арзон ва энг қиммат автомобиллар рўйхати аниқлангани ҳақида хабар берилганди.
Изоҳ (0)