Бугун,

  • USD 11095.31
  • RUB 173.84
  • EUR 10772.44

Кино саноати кўпинча шафқатсиздир. Ижодкорларнинг бирор жанжалга аралашиши ёки танқидга дуч келиши билан узоқ вақт давомида ишини йўқотиш хавфи мавжуд. Grazia нашри ана шундай муаммолар туфайли бойкот эълон қилинган Голливуднинг машҳур актёр ва актрисаларини санаб ўтди.

Жонни Депп

Фото: Grazia

Фото: Grazia

Машҳур Голливуд актёри Жонни Деппнинг карьерасидаги муаммолари унинг Эмбер Хёрд билан шов-шувли ажрашиши натижасида бошланди. Актриса собиқ эрини зўравонликда айблаб, судга берди. Депп суд жараёнида ютқазди — суд уни хотинини калтаклаганликда айбдор деб топди. Шундан сўнг Деппга нисбатан рад жавоблар берила бошлади. Машҳур студия Warner Bros. шартномасини бекор қилди ва «Фантастик ҳайвонлар» франшизасида суратга тушиш ишлари тўхтатилди. Disney ҳам шундай иш тутди. Депп иштирокидаги «Буюк» фильми узоқ вақт давомида АҚШда МGM студияси ташаббуси билан намойиш этилмади, улар ҳам актёрни бойкот қилишга қарор қилди.

Шов-шувли суд жараёни туфайли Депп айбдор бўлиб чиқди: унинг нафақат обрўсига путур етди, балки молиявий томондан ҳам жиддий зарар кўрди. Бироқ актёр таслим бўлмади ва собиқ рафиқасига қарши даъво аризаси билан чиқди. Рақифасини туҳматда айблаган актёр бу сафар судда ютиб чиқди. Юқори даражадаги суд жараёнидан сўнг, бир қанча йирик компаниялар Жонни билан иш бошлади: энди у кино ва рекламага фаол чақирилмоқда. Лекин энг асосийси, у ўз обрўсини тиклади.

Эмбер Хёрд

Фото: Grazia

Фото: Grazia

Собиқ турмуш ўртоғининг мағлубияти билан бу тартибсизликларни бошлаган Эмбер Хёрд ўзи ўтирган шохни кесиб ташлади. Бир неча йил олдин у ўзининг ажойиб ғалабасини нишонлаганди. Собиқ эрига кейинчалик ютқазган юлдуз банкротлик ёқасида қолди. У энди нафақат собиқ эрига катта миқдорда товон тўлайди, балки унга фильмлардан ҳам таклиф тушмай қўйди. Қолаверса, «Аквамен 2» фильмидан унинг иштирокидаги саҳналар аллақачон олиб ташланди.

Арми Хаммер

Фото: Grazia

Фото: Grazia

Бир ярим йил олдин Арми Хаммер катта жанжалга аралашиб қолди — у каннибализм ва зўравонликда айбланди. Шундан сўнг у актёрлик карьерасини унутишига тўғри келди. Хаммер Кайман оролларига кўчиб кетди ва у ерда сотувчи сифатида иш бошлади. Актёрнинг бадавлат қариндошлари ҳам ундан юз ўгирди. Афсуски, бир вақтлар машҳур бўлган Хаммер нафақат обрўсини тиклаш ва ўз карьерасига қайтиш, балки қандай қилиб пул топиш ҳақида ҳам ўйлаши керак эди. Аммо дунё яхши одамлардан ҳоли эмас. Хаммердан дўсти ва ҳамкасби Роберт Дауни ёрдамини аямади. Тўғри, унга нисбатан бойкотлар ҳали олингани йўқ, лекин ҳеч бўлмаганда унинг яшаш жойи бор.

Кевин Спейси

Фото: Grazia

Фото: Grazia

Бир неча йил олдин Кевин Спейси устидан зўравонлиги тўғрисида айбловлар эълон қилинди. Натижада «Карталар уйи» сериалининг ижодкорлари актёр билан ишлашдан бош тортди ва унинг қаҳрамонини ўлдиришди. Ўша пайтда суратга олинган янги фильм ва телесериалларда иштирок этган саҳналари фаол равишда кесила бошланди. Актёрнинг карьераси барбод бўлди — у узоқ вақт экранларда кўринмади. Шунга қарамай, Спейси Голливудда бўлмаса ҳам, кинога қайтди. Актёр италиялик режиссёр Франко Нероннинг фильмида бош ролни ижро этди. Бироқ Спейси яна муаммога дуч келди, у яна зўравонликда айбланди.

Мел Гибсон

Фото: Grazia

Фото: Grazia

Мел Гибсон 2006 йилда маст ҳолда машина ҳайдагани учун ҳибсга олинган.  Кейин актёр ва режиссёр антисемитизмга қарши курашишга киришди, бу эса катта жанжалга сабаб бўлди. Голливудда унга нисбатан бир неча йил бойкот эълон қилинди. Шунинг учун ҳам тўрт йил давомида актёр фильмда суратга тушмади. Кейин у аста-секин кинога қайтишни бошлади, аммо янги жанжал пайдо бўлди. Интернетда Гибсон ўзининг собиқ севгилиси, тўққиз фарзандидан бирининг онаси — Оксана Григоревага қасос билан таҳдид қилган ва ирқчиликка йўл қўйган, деган хабарлар пайдо бўлди. Жанжалларга қарамай, Гибсон Голливудга қайтди. Аммо унинг ўтмиши мудом актёрга эслатиб турилади.

Изоҳ
Асосий янгиликлар
Дунё
Британия ҳукумати “Вагнер”ни террорчи ташкилот деб эълон қилмоқчи — The Telegraph
Дунё
АҚШда хавфли моддаларни олиб кетаётган юк поезди релсдан чиқиб кетди (видео)
Маҳаллий
Ўзбекистонда келаётган ҳафта бошида қандай об-ҳаво бўлади?