«Насаф» бош мураббийи Рўзиқул Бердиев «Локомотив»га қарши ўйиндан сўнг (0:0) «Чемпионат»га ўз фикрларини билдириб ўтди.
Рақиб кўпчилик бўлиб ҳимояланди. Буни биз кутгандик. Шунинг учун қанотларимиз кўпроқ ишлаши керак эди. Шунга қарамасдан вазиятлар ярата олдик. Рақиб дарвозасига йўл топа олмадик, бу эса бизнинг 2 очко йўқотишимизга сабаб бўлди. Албатта, улардан янги мураббий, шу сабаб улар қандай тактикадан фойдаланишини билмасдик.Футболчилар биринчи бўлимда майдонда «пиёда юргани» ҳақида
Шунинг учун уларни алмаштирдик. Иккинчи бўлимда анча жонландик. Ўйинчилар жойида ҳам ўзгартиришлар киритдик.
Мухлислар ўзларига қарши мухлислик қилгани ҳақида
Бир нарсани айтиб ўтмоқчиман, ўзимизни мухлислар ўзимизга қарши туришди. Кечирасизлар-у, бу кечириб бўлмайдиган нарса. Мухлислар ҳар қандай ҳолатда ҳам ўз жамоасига содиқ бўлиши керак. Бу жуда хунук нарса, оддий қилиб айтганда — бу хоинлик. Агар мен туфайли «Насаф»ни натижалари ёмон бўлса, бунинг муаммоли жойи йўқ. Агар бошқа мураббий жамоани яхшироқ бошқаради деса, мен эртагаёқ қўлимни кўтариб, кетишим мумкин. Лекин жамоага қарши мухлислик қилиш қашқадарёликлар учун яхши нарсамас. Ҳар қандай ҳолатда ҳам жамоани қўллаб-қувватлаш керак.
Легионерларнинг ўйини қониқтирмаётгани ҳақида
Олдин ҳам айтганман, легионерлар маҳаллий футболчилардан кучли бўлса ўйнайди, бўлмаса захирага олинади. Ким яхши ҳолатда бўлса, ўша футболчини майдонга туширяпмиз.
Сўнгги дақиқаларда ҳакам олдига югуриб чиққани ҳақида
Мен жиддийлашдим. Балки ҳакамга қарши қўполлик қилгандирман. Иккинчи бўлим ўртасида тўртинчи ҳакам олдимга келиб, VAR ишлаётгани ҳақида огоҳлантириб кетди. Лекин ўша вазиятда ҳакамнинг ёнига борганимда, охирги ўн дақиқада VAR ўчиб қолганини маълум қилди. Мана сизларга ҳакамларни айтган гапи.
Ҳакамлардан жабр кўраётгани ҳақида
Бундан кўп жабр кўряпмиз. Лекин фойдаси йўқ. Чунки 3 очкони ҳеч ким қайтариб бермайди. Неччинчи ўйиндир, кўряпсизлар ҳолатни. Бу борада бир неча бор мурожаат қилганмиз. Бироқ ҳакам жабр кўриши мумкин, бизга эса фойдаси бўлмайди. «Насаф» ариза берса ҳам, ҳакам жазоланади, жамоага эса буни ҳеч қанақа фойдали жойи бўлмайди.
Рўзиқул Бердиев, «Насаф» бош мураббийи
Изоҳ (0)