Чилонзор кўприги бўйлаб Lacetti қарама-қарши йўналишда ҳаракатлангани хабар қилинганди. Мазкур ҳолат юзасидан Тошкент шаҳри ички ишлар бош бошқармаси муносабат билдирди.
Маълум бўлишича, 24 август куни тахминан соат 22:20 да 1986 йилда туғилган Ж.М. Lacetti автомобилини тегишли ҳужжатларсиз, ҳайдовчилик гувоҳномасига эга бўлмаган ҳолда бошқариб, Чилонзор тумани Бунёдкор шоҳкўчасида йўлнинг қарама-қарши томонида ҳаракатланган.
Ҳуқуқбузарлик содир этган Ж.М.га нисбатан Маъмурий жавобгарлик тўғрисидаги кодекснинг 128-прим 5-моддаси 2-қисми, 135-модда, 194-модда билан маъмурий баённома расмийлаштирилиб, автомашина вақтинча сақлаш учун жарима майдонига жойлаштирилган. Тўпланган ҳужжатлар ўрнатилган тартибда кўриб чиқиш учун жиноят ишлари бўйича Чилонзор тумани судига тақдим этилди.
Изоҳ (0)