Европа Иттифоқининг айрим мамлакатларида етказиб бериш учун электр энергияси нархи 1 МВт/соат учун 700 евродан ошди, бу тарихий максимал кўрсаткичдир. Бу ҳақда «Коммерсантъ» хабар бермоқда.
Nord Pool маълумотларига кўра, рекордлар Австрия (707,23 евро), Франция (706,32 евро) ва Бельгияда (700,41 евро) ўрнатилган. Дания, Германия ва Голландияда электр энергияси нархи 700 евродан бир оз паст бўлди.
Европада энергия ва газ таъминотидаги бошқа муаммолар фонида электр энергияси нархи ошиб бормоқда.
Август ойи ўрталарига келиб, Bloomberg сўнгги икки ой ичида нарх икки баробарга ошганини тахмин қилмоқда. Йилдан йилга Германия ва Буюк Британияда нархларнинг олти ва етти баравар ошиши кузатилди.Аввалроқ Европада газ нархи минг куб метр учун 3 200 доллардан ошган эди, бу март ойи бошидан буён энг юқори кўрсаткич ҳисобланади.
Изоҳ (0)