16 августдан 22 августгача бўлган ҳафтада Россияда дефляция бир ҳафта олдинги 0,13 фоиздан 0,15 фоизгача тезлашди. Йил бошига нисбатан истеъмол нархлари 10,56 фоизга ошди.
Озиқ-овқат маҳсулотлари орасида гречка ёрмалари 0,9 фоизга, товуқ гўшти ва кунгабоқар ёғи 0,3 фоизга, чўчқа гўшти, творог ва вермишел 0,2 фоизга, сариёғ, стерилланган сут, сметана ва ош тузи 0,1 фоизга арзонлашди.
Донадор шакар нархи 0,7 фоизга, ярим дудланган ва қайнатилган колбаса маҳсулотлари, товуқ тухуми 0,5 фоизга, колбаса маҳсулотлари 0,4 фоизга, қўзичоқ гўшти 0,2 фоизга, маргарин, пастеризацияланган сут, ширдон пишлоқлари, нон, гуруч ва ароқ нархи 0,1 фоизга ошган.
Мева-сабзавот маҳсулотлари нархининг пасайиши ўртача 4,1 фоизни ташкил этди.
Дори воситаларидан эргоферон нархи 0,7 фоизга, маҳаллий аналгин 0,6 фоизга, валидол 0,5 фоизга, ренгалин 0,4 фоизга, корвалол 0,2 фоизга ошган. Нимесулид нархи 0,3% га, аллохол ва мултивитаминлар 0,1 фоизга камайди.
Ноозиқ-овқат маҳсулотлари орасида янги туғилган чақалоқлар учун тагликлар 0,5 фоизга, тиш пасталари ва тиш чўткалари 0,3 фоизга, кир ювиш ва ҳожатхона совунлари 0,1 фоизга қимматлашган.
Истеъмол товарлари орасида смартфонлар нархи 1,7 фоизга, телевизорлар 0,3 фоизга арзонлашган. Фильтрли сигареталар нархи 0,2 фоизга, шампунлар 0,1 фоизга қимматлашди. Автомобиль бензини ва дизель ёқилғиси нархи 0,2 фоизга ошди.
Аввалроқ Россиядаги вазият Ўзбекистондаги нархлар ўсишига қандай таъсир қилиши ҳақида хабар берилган эди.
Изоҳ (0)