Ўзбекистон банкларида муаммоли кредитлар кўпая бошлади

Марказий банк 2022 йил 1 август ҳолатига кўра банкларнинг муаммоли кредитлари тўғрисида маълумот берди.

Унга кўра, банклардаги жами кредит портфели 346,4 трлн сўмгача етган. Бу ўтган ойга нисбатан 2,8 трлн сўмга кўпроқдир. Июнь ойида муаммоли кредитлар 1,8 трлн сўмга камайган эди.

Банклардаги умумий муаммоли кредитлар (NPL) миқдори қарийб 250 млрд сўмга кўпайиб, 16,9 трлн сўмга етган. Умумий кредит портфелидаги NPL улуши 4,9 фоизда сақланиб қолган. 

Банклар орасида NPL миқдори энг кўп «Халқ банк»ида сақланиб қолмоқда ва ўтган ойга нисбатан деярли ўзгармаган — 3,5 трлн сўм. 

Муаммоли кредитларнинг улуши бўйича энг баланд кўрсаткич «Туркистон банк»да — банкнинг жами кредитлардаги NPL улуши 94,5 фоизни ташкил қилди.

Аввалроқ Марказий банк кредитлар тўғрисида фуқаролардан келиб тушган мурожаатларга муносабат билдирган эди.