Иқтисодий фаолликнинг секинлашуви туфайли Туркия Марказий банки (ТCМB) асосий ставкасини 1 фоизга тушириб, 13 фоизгача пасайтирди. Бу ҳақда «Коммерсантъ» хабар бермоқда.
Ставка 2021 йил декабридан бери 14 фоизни ташкил этиб турган эди. Регуляторнинг қарори фонида турк лираси долларга нисбатан пасайиб кетди.
Туркия марказий банкининг таъкидлашича, учинчи чоракдаги етакчи кўрсаткичлар иқтисодий фаолликнинг бироз пасайганини кўрсатмоқда.
Глобал ўсишнинг ноаниқлиги ва геосиёсий хатарлар ортиб бораётган бир пайтда, саноат ишлаб чиқаришидаги жадалликни ва иш билан бандликнинг ўсиш тенденциясини сақлаб қолиш нуқтаи назаридан молиявий шароитларнинг қўллаб-қувватланиши муҳим аҳамиятга эга. Шу доирада Кенгаш ставкаси 100 базавий пунктга камайтиришга қарор қилди ва янгиланган ставка жорий прогнозга мувофиқ етарли эканлигини баҳолади, — дейилади баёнотда.
Бир қатор турк иқтисодчиларининг фикрича, регулятор фоиз ставкасини ошириши керак, чунки лира паст ставкалар туфайли қадрсизланади.
Allianz аnd Barclays суғурта компанияси раҳбарларидан бири Моҳамед Эл-Эриан Туркияда «иқтисодиётнинг асосий қонунлари эътибордан четда қолаётганини» айтди.
2021 йилнинг ноябрида Туркия президенти Ражаб Тоййиб Эрдўғон ставкаларни пасайтириш учун «курашга» ваъда берган эди.
Бу Ражаб Тоййиб Эрдўғоннинг принципиал позициясидир. Икки йил ичида у регулятор ставкани оширганидан сўнг Марказий банкнинг учта раҳбарини ишдан бўшатди.
Регуляторнинг қароридан кейин турк лираси бир доллар учун 17,97 дан 18,07 лирага тушди. Январь ойи охирида биржадаги лира курси бир доллар учун 13,5 лира, февраль охирида 14 лира даражасида эди.
Аввалроқ Туркияда июль ойида инфляция даражаси 79,6 фоизга кўтарилиб, 1998 йилдан бери рекорд даражага етгани ҳақида хабар берилган эди.
Изоҳ (0)