АҚШ Украинага салкам 3 миллиард долларлик энг йирик ҳарбий ёрдам пакетини тақдим этиши кутилаётгани ҳақида хабар берилганди. Байден Украина халқини Мустақиллик куни билан табриклаб, ушбу ёрдам пакети берилишини маълум қилди.
Президент Байденнинг Украина Мустақиллик кунидаги баёнотига кўра, ўтган олти ой ичида украиналиклар ўз жасорати ва озодлик йўлида кўрсатаётган фидойиликлари билан дунёни илҳомлантирди. Улар Россиянинг Украинага тўлиқ миқёсда бостириб кириши қаршисида қатъий ва кучли тура олди. Бугунги кун нафақат ўтмишга дахлдор байрам, балки Украина суверен ва мустақил давлат экани ва шундай бўлиб қолишини тасдиқловчи кундир.
Америка Қўшма Штатлари Украина халқи ўз суверенитетини ҳимоя қилиш учун курашни давом эттираётганда уларни қўллаб-қувватлашга содиқдир. Ушбу мажбуриятнинг бир қисми сифатида мен бугунги кунга қадар хавфсизлик бўйича ёрдамимизнинг энг катта қисмини эълон қилишдан фахрланаман: тахминан 2,98 миллиард долларлик қурол ва жиҳозлар Украинага хавфсизликка кўмаклашиш ташаббуси орқали тақдим этилади. Бу Украина узоқ муддатда ўзини ҳимоя қилишда давом этишини таъминлаш учун ҳаво ҳужумидан мудофаа тизимлари, артиллерия тизимлари ва ўқ-дорилар, учувчисиз ҳаво тизимлари ва радарларни сотиб олишга имкон беради.Сўнгги марта 19 август куни АҚШ Украинага 775 миллион долларлик навбатдаги ёрдам пакетини ажратганди. У HIMARS баравар ўт очиш реактив тизими учун ўқ-дорилар, 16 та гаубица, мингта Javelin танкка қарши ракеталари, разведка учун 15 та ScanEagle дронлари, 40 та зирҳли машина, ҲАРМ радиолокацияга қарши ракеталар, 1,5 мингта ТОW танкка қарши ракета мажмуалари, минадан тозалаш воситалари ва Hummer ҳарбий автомобилларини ўз ичига олди.Биламан, бу мустақиллик куни кўплаб украиналиклар учун аламли бўлди, чунки минглаб одамлар ҳалок бўлди ёки яраланди, миллионлаб одамлар ўз уйларини ташлаб кетди ва яна кўп одамлар Россия ҳужумлари қурбони бўлди. Аммо олти ойлик тинимсиз ҳужумлар украиналикларнинг ўзлари, ўз мамлакати ва ўттиз бир йиллик мустақиллиги билан фахрланишига янада куч қўшади. Бугун, ҳар куни биз Украина халқи билан биргамиз. Америка Қўшма Штатлари Украинанинг демократик, мустақил, суверен ва гуллаб-яшнаган давлат сифатида давом этишини интиқлик билан кутмоқда, — дейди Байден.
Кейинроқ Politico нашри АҚШ ҳарбий ёрдам доирасида Украинага баъзи турдаги қурол-яроғлар етказиб берилаётгани ҳақида маълум қилмаётган бўлиши мумкинлиги ҳақида ёзди.
Изоҳ (0)