Ўзбекистонда 2022/2023-ўқув йилида 1 730 821 нафар абитуриент имтиҳон топширган бўлиб, уларнинг 51,2 фоизи ўтиш баллини тўплай олмаган. Бу ҳақда Хушнуд Худойбердиев хабар берди.
Тестга кирган абитуриентларнинг 550 минг нафари (51,2 фоизи) ўтиш балининг энг қуйи чегараси бўлган 56,7 баллни ҳам тўплай олмаган. Ўтган йили ушбу кўрсаткич 36 фоизни ташкил қилганди.
2022 йилда энг ёмон кўрсаткич, худди ўтган йилда бўлганидек Тошкент вилоятида (55,9 фоиз), нисбатан яхшироқ натижа эса худди ўтган йилдагидек Тошкент шаҳрида (45,2 фоиз) қайд этилган.
9 та ҳудудда абитуриентларнинг 50 фоиздан кўпроғи 56,7 баллдан паст балл олган. Фақат 5 тагина ҳудудда бу кўрсаткич 50 фоиздан камроқни ташкил қилган. Булар — Тошкент шаҳри, Бухоро, Фарғона, Хоразм ва Самарқанд вилоятларидир.
«56,7 балл — бу тўплаш мумкин бўлган энг юқори 189 баллнинг 30 фоизи дегани. Яъни абитуриент ҳеч бўлмаса 30 фоиз билимга эга бўлса, ушбу кўрсаткични тўплай олади. 30 фоиз билим эса рейтинг тизимидан қиёс олсак, ҳатто 2 баҳо ҳам эмас! 1 баҳо десак тўғри бўлар балки. Яъни 2 баҳога ўқиганлар ҳам тахминан 35–55 фоиз натижа кўрсата олиши керак (66 баллдан юқори)», — деб ёзади блогер.
Изоҳ (0)