Ижтимоий тармоқларда Навоий вилояти Зарафшон шаҳрида номаълум шахслар итни Damas’га боғлаб, шаҳар бўйлаб судраб олиб кетаётгани акс этган видеолар тарқалди. Шаҳар ҳокимлиги ахборот хизмати ушбу ҳолат юзасидан расмий маълумот берди.
Ижтимоий тармоқларнинг бирида эълон қилинган «Зарафшондаги ваҳшийлик» сарлавҳали ёритилган мурожаат юзасидан қуйидагиларни маълум қиламиз. Мазкур мурожаат соҳа мутахассислари томонидан назоратга олинди. Ушбу муаммони бартараф этиш чоралари кўрилади, — дейилган муносабатда.
«Меҳр ва оқибат» ҳайвонларни муҳофаза қилиш жамиятига ҳам ушбу ҳолат юзасидан мурожаат келиб тушган. Фуқаронинг хабар беришича, унинг фарзанди кўрган воқеасидан қўрқиб кетган. «Машина орқасига ит боғланган ҳолда кетаётган эди. Болам энди кўчага ҳам чиқмайди, ит ўлдирилган деб йиғлаяпти», — дейди мурожаатчи.
Нодавлат-нотижорат ташкилоти раҳбарияти Ички ишлар вазирлигидан ушбу вазият бўйича қонунга мувофиқ чоралар кўришни сўраган.
Изоҳ (0)