20 август куни АҚШ Конгресси делегацияси Ўзбекистон—АҚШ ҳамкорлигининг бугунги ҳолати ва истиқболларини, жумладан, парламентлараро ҳамкорликни кенгайтириш масалаларини муҳокама қилиш учун келди, деб хабар бермоқда «Дунё» АА.
Қайд этилишича, ташриф давомида делегация Олий Мажлис Сенати ва Қонунчилик палатаси раҳбарияти, шунингдек, республика вазирлик ва идораларида икки томонлама учрашувлар ўтказади. Шунингдек, Ўзбекистоннинг тарихий ва маданий мероси билан ҳам танишади.
Маълумот учун, ушбу ташриф АҚШ Конгресси аъзоларининг 2017 йилдан буён Ўзбекистонга еттинчи ташрифидир. Икки партиядан иборат америкалик қонунчилар гуруҳи 2021 йилда Ўзбекистонга икки марта ташриф буюрган бўлиб, улардан бирига демократ конгрессмен, Вакиллар палатасининг Ташқи ишлар қўмитаси раиси Грегори Микс бошчилик қилган.
Изоҳ (0)