19 август куни Тошкент шаҳрида Ўзбекистоннинг Шанхай ҳамкорлик ташкилотига раислиги доирасида ташкилотга аъзо давлатлар Хавфсизлик кенгашлари котибларининг 17-учрашуви ўз ишини бошлади, деб хабар қилмоқда «Дунё» ахборот агентлиги.
Қайд этилишича, учрашувда аъзо давлатлар ва кузатувчи давлатлар Хавфсизлик кенгашлари котиблари, шунингдек, ШҲТ минтақавий аксилтеррор тузилмаси котибияти ва Ижроия қўмитасининг вакиллари иштирок этмоқда.
Кун тартибига мувофиқ, халқаро ва минтақавий хавфсизликни таъминлаш, жумладан, терроризм, экстремизм, қурол ва гиёҳванд моддаларнинг ноқонуний савдосига қарши курашиш ҳамда ахборот хавфсизлигини таъминлаш масалалари кўриб чиқилади.
ШҲТ Хавфсизлик кенгашлари котибларининг учрашуви 2004 йилдан буён ўтказиб келинмоқда ва кўп томонлама ҳамкорликнинг мувофиқлаштирувчи-маслаҳат механизми ҳисобланади. Биринчи учрашув 2004 йил 4 июнь куни Тошкент шаҳрида бўлиб ўтган.
Эслатиб ўтамиз, ШҲТга аъзо давлатлар Хавфсизлик кенгашлари котибларининг 16-йиғилиши 2021 йил 23 июнь куни Тожикистоннинг Душанбе шаҳрида бўлиб ўтганди.
Мавзуга доир:
Изоҳ (0)