Фарғона вилояти Ёзёвон туманида гиёҳвандлик моддасини уйида сақлаган шахс аниқланди.
2022 йилнинг 11 август куни Ёзёвон туман ИИБ ходимлари томонидан ўтказилган тезкор тадбир давомида «Тошҳовуз» маҳалласида яшовчи А.У.нинг яшаш хонадони кўздан кечирилганда, ётоқхонасидаги шкаф тепасида бир дона гугурт қутисида гашиш гиёҳвандлик моддаси сақлаб келаётгани аниқланиб, далилий ашё тариқасида олинган.
Мазкур ҳолат юзасидан Ёзёвон тумани ИИБ ҳузуридаги тергов бўлинмаси томонидан Жиноят кодексининг 276-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
Эслатиб ўтамиз, Жиноят кодексининг 276-моддаси 1-қисмида кўрсатилган жиноятни содир этган шахс 3 йилгача озодликдан маҳрум қилиш билан жазоланиши мумкин.
Изоҳ (0)