Американинг энг йирик American Airlines авиакомпанияси Boom Supersonic компаниясидан 20 та гипертовушли йўловчи самолётларини сотиб олиш ҳақида битим тузди, деб ёзади Meduza.
Гап Overture номли истиқболли лойиҳа ҳақида бормоқда. Boom Supersonic самолётларни 2024 йилда тайёрлашни бошлашни, биринчи парвозни эса 2026 йилда амалга оширишни режалаштирмоқда. American Airlines лайнер 2029 йилга келиб йўловчи парвозларини амалга ошира бошлашини кутмоқда.
Аввалроқ худди шундай гипертовушли авиалайнерларни сотиб олиши ҳақида United Airlines эълон қилганди.
Overture самолёти Британия-Франциянинг «Конкорд»и ва совет иттифоқининг Ту-144 идан кейин биринчи гипертовушли авиалайнерга айланиши мумкин.
Boom Supersonic даъво қилишича, унинг самолёти ҳозирги пайтда мунтазам рейсларни амалга ошираётган ҳар қандай йўловчи лайнеридан икки марта тезкорроқ бўлади. Лойиҳага кўра, унинг крейсер тезлиги 1,7 Мах (тахминан соатига 1800 км), парвоз баландлиги 18 километрдан ошиқ, парвоз узоқлиги эса салкам 8 минг километрга тенг.
Изоҳ (0)