Дунёнинг энг йирик нефть компанияси Saudi Aramco’нинг соф фойдаси 2022 йилнинг биринчи ярмида 86 фоизга ўсди ва рекорд даражада — 87,9 млрд долларга етди. Бу ҳақда компания матбуот маркази хабар берди.
Саудия компаниясининг пресс-релизида кўрсатилишича, кўрсаткичларнинг яхшиланишига жаҳонда энергия нархларининг ўсиши ва талабнинг ошиши асосий сабаб бўлган.
Aramco иккинчи чоракда 48,4 млрд доллар ва биринчи ярим йилликда 87,9 млрд долларлик рекорд даражадаги соф даромадга эришди, бу 2021 йилнинг шу давридаги мос равишда 25,5 млрд ва 47,2 млрд долларга тенг, — дейилади хабарда.
Шунингдек, компания учинчи чоракда 18,8 миллиард доллар миқдорида дивиденд эълон қилди.
Аввалроқ Saudi Aramco август ойида учун Осиё учун нефть нархини оширгани ҳақида хабар берилганди.
Изоҳ (0)