Бугун,

  • USD 11095.31
  • RUB 173.84
  • EUR 10772.44

Кобулда «Нон, иш, эркинлик» шиори билан кўчага чиққан аёлларнинг намойиши тарқатиб юборилди. Намойиш вақтида «Толибон» жангарилари ҳавога ўқ узган ва намойишчиларни калтаклаган. Бир нечта қурбонлар ҳам бор. Бу ҳақда Asia-Plus хабар бермоқда.

Фото: Asia-Plus

Фото: Asia-Plus

Шанба (13 август) куни 40 га яқин аёл Таълим вазирлиги биноси олдига йиғилган.

Ижтимоий тармоқларда жойлаштирилган сурат ва видеоларда «Толибон» жангарилари ҳавога ўқ узгани акс этган. Аёллар тарқала бошлагандан кейин ҳам «Толибон» уларни таъқиб қилиб, автомат билан калтаклаган.

Афғонистон Мустақил журналистлар ассоциациясининг маълум қилишича, «Толибон» уч нафар хорижлик журналист ва бир маҳаллий мухбирни намойишни ёритишга урингани учун ҳибсга олган. Яна икки маҳаллий журналист яраланган.

Кобулдаги Мустақил журналистлар уюшмаси аъзоларидан бири Ҳужатулло Мужадидий хориж телеканалларига берган интервьюсида ҳибсга олинган журналистлар Германия, Дания ва Норвегиядан эканини айтган.

Халқаро амнистия ташкилоти, «Толибон» аёлларнинг тинч намойишини тарқатиш учун «ортиқча куч» ишлатгани ҳақидаги хабарлардан хавотирини билдирди. Ташкилотнинг Twitter’даги саҳифасида айтилишича, аёллар фақат «тинч намойиш ўтказган ва уларнинг ҳуқуқлари ҳурмат қилинишини талаб қилган холос».

Намойиш чоғида тасвирга олинган видеода аёллар маршга чиқиб, меҳнат қилиш ҳуқуқи ва афғон жамиятида сиёсий иштирок этишни талаб қилиб, шиорлар билан қичқираётгани акс этган.

Намойишчилардан бирининг қўлида «15 август – қора кун» плакати бўлган. Бир йил аввал айнан шу куни Афғонистонда «Толибон» ҳокимиятни қўлга киритган эди.

«Толибон» ҳукумати аёлларнинг ишлаш ва ўқиш ҳуқуқларини чеклаб қўйган. Қизларнинг мактабларга боришига ва аёлларнинг ишлашига рухсат берилмайди. Шу билан биргаликда, қонунларга кўра, аёллар кўчада юзларини тўлиқ ёпишлари керак ва эркакциз уйдан чиқишга ҳақли эмаслар.

Ҳозирча дунёнинг ҳеч бир давлати «Толибон» ҳукуматини тан олмаган.

Халқаро ҳамжамиятнинг «Толибон»ни тан олиш шарти мамлакатда инклюзив ҳукуматни шакллантириш, шунингдек, аёллар ва қизларнинг асосий ҳуқуқ ва эркинликларини таъминлашдан иборат бўлади.

Мавзуга доир: «Толибон» одоб-ахлоқ қоидалари ва уй-рўзғор ишларини ўрганиш ўрта мактаб ўқувчиларини мактабларга қабул қилишнинг зарурий шарти деб атади

Изоҳ
Асосий янгиликлар
Иқтисодиёт
Ўзбекистонда 2035 йилга бориб аҳоли 45 миллиондан ошиши кутиляпти — PMTI
Дунё
Афғонистонда юқори мартабали амалдорлар “Толибон” етакчисини тахтдан ағдармоқчи 
Маҳаллий
“Права”ни янгисига алмаштириб берадиган онлайн хизмат фаолиятида носозлик кузатилмоқда