Бугун,

  • USD 11095.31
  • RUB 173.84
  • EUR 10772.44

Ташқи меҳнат миграцияси агентлиги фуқароларга мурожаат қилиб, хорижда ишга жойлаштириш ваколатига эга бўлмаган ташкилотлар билан шартнома тузмасликка чақирди.

Фото: Shutterstock

Фото: Shutterstock

Таъкидланишича, хорижда ишлаш истагидаги фуқаролар учун қўшимча имкониятлар яратиш мақсадида мамлакатда 2018 йилдан хусусий бандлик агентликлари (ХБА) фаолиятига рухсат берилган. Бироқ ўтган давр мобайнида айрим ХБА томонидан фуқароларни алдаш ва ишончини суиистеъмол қилиш ҳолатлари содир этилган.

Бу каби салбий ҳолатларнинг олдини олиш мақсадида «Хусусий бандлик агентликлари тўғрисида»ги қонунга ўзгартиш ва қўшимчалар киритилиб, 2020 йилнинг 14 ноябридан улар фаолиятида жиддий ўзгаришлар жорий этилган.

Амалдаги тартибга кўра:

  • Фуқароларни хорижда ишга жойлаштириш бўйича лицензияга эга ХБА ахборот ва маслаҳат хизматлари учун БҲМнинг бир бараваридан, яъни 300 минг сўмдан кўп пул олиши мумкин эмас.
  • Шунингдек, чет эллик иш берувчи ва ҳамкори билан шартномалар тузмасдан, фуқароларга хизмат кўрсатиш тақиқланади ҳамда ушбу шартномалар ХБАнинг расмий веб-сайтида жойлаштирилиши лозим.
Ўтган давр мобайнида ХБА реестридан 114 та юридик шахс рўйхатдан ўтган бўлиб, ҳозирги кунда улардан 9 таси (шундан 2 тасининг лицензияси вақтинчалик тўхтатилган) фуқароларни хорижда ишга жойлаштириш ҳуқуқини берувчи лицензияга эга.
Ҳурматли фуқаролар! Шу муносабат билан хорижда ишга жойлаштириш ваколатига эга бўлмаган ташкилотлар ёки шахсларга ишонмасликка, турли кўринишдаги шартномаларни тузмасликка ва тўловларни амалга оширмасликка чақирамиз. Хорижда иш таклиф қилаётган ташкилотларнинг лицензияси борлигига ишонч ҳосил қилинг. Шартнома тузаётганда унинг шартларини ўқиб, тўлиқ тушуниб имзо қўйинг.

Агар ХБА билан низоли вазиятларга дуч келсангиз, Бандлик ва меҳнат муносабатлари вазирлигига мурожаат қилишингиз мумкин. 71 239-41-21 (ички рақам 236) ва 71 200-06-00, — дейилади хабарда.

Изоҳ
Асосий янгиликлар
Маҳаллий
Дунё
Совуқ урушни расман якунлаган Буш ва Ельцин, Францияга қочиб кетган машҳур режиссёр — Роман Полански ва “Буюк голланд тошқини”. Кун хронологиясида 1 февраль
Бизнес
Кремний водийсини забт этган ўзбекистонлик ҳуқуқшунос: Асрор Арабжонов АҚШга қандай бориб қолгани, виза ва стартаплари ҳақида