Монополияга қарши курашиш қўмитаси ун маҳсулотини биржа савдоларига чиқармаган 5 та хусусий корхонани буғдой харид қилиш бўйича биржа савдоларидан четлаштирди. Бу ҳақда қўмита матбуот хизмати хабар берди.
Маълумки, 1 июндан бошлаб ун маҳсулотларини ҳам биржа орқали бозор тамойиллари асосида сотиш белгиланган. Монополияга қарши курашиш қўмитасига биржадан харид қилинган 3 ва ундан юқори синфлардаги буғдойдан чиққан унни биржа савдолари орқали сотиш мажбуриятини бажармаган хўжалик юритувчи субектларни буғдой бўйича биржа савдоларида иштирок этишини чеклаш бўйича Ўзбекистон товар-хом ашё биржасига кўрсатма бериш ваколати берилган.
Монополияга қарши курашиш қўмитаси томонидан олиб борилган ўрганишлар давомида 6 та корхона томонидан ун маҳсулотини биржа савдоларига қўйиш бўйича графиклар тақдим этилмагани, 16 та корхона томонидан нормага нисбатан кам ҳажмда график тасдиқланганлиги ва 2 та корхона томонидан график умуман бажарилмагани аниқланган.
Шу сабабли қўмита томонидан Ўзбекистон Республикаси товар-хом ашё биржасига кўрсатма берган ҳолда 2022 йил июль ойида ун маҳсулотини биржа савдоларига чиқармаган 5 та хусусий корхонани буғдой харид қилиш бўйича биржа савдоларидан четлаштирилган.
Изоҳ (0)