Бугун,

  • USD 11095.31
  • RUB 173.84
  • EUR 10772.44

Қашқадарё вилоятининг Шаҳрисабз туманида очиқда юрган икки нафар маҳкум белгиланган тартибга амал қилмай, жазони ўташдан қасддан бўйин товлагани учун қамоққа олинди. Бу ҳақда «Дарё»га Шаҳрисабз туман ИИБ Пробация гуруҳи катта инспектори майор Баҳодир Жўраев хабар берди.

Фото: Шаҳрисабз туман ИИБ

Фото: Шаҳрисабз туман ИИБ

Таъкидланишича, бугун, 12 август куни Шаҳрисабз туманида Пробация гуруҳи назоратида, озодликдан маҳрум қилиш билан боғлиқ бўлмаган жиноий жазоларни ўтаётган шахслар иштирокида сайёр суд мажлиси ўтказилган.

Фото: Шаҳрисабз туман ИИБ

Фото: Шаҳрисабз туман ИИБ

Унда Жиноят ишлари бўйича Шаҳрисабз туман суди раиси Фазлиддин Чориев томонидан маҳкумларга келгусида такрорий жиноят ва ҳуқуқбузарликлар содир этмасликлари, суд томонидан тайинланган жазони ўташ тартиб-қоидаларига қатъий амал қилишлари юзасидан тушунтириш ишлари олиб борилган.

Фото: Шаҳрисабз туман ИИБ

Фото: Шаҳрисабз туман ИИБ

Шунингдек, суд томонидан тайинланган жазони ўташдан қасддан бўйин товлаб келаётган икки нафар назоратдаги шахс — ахлоқ тузатиш ишлари жазоси тайинланган А.Т. ва озодликни чеклаш жазосини ўташи белгиланган I.М.ларнинг ўталмаган жазо муддатлари суд мажлисида кўриб чиқилиб, мазкур суднинг ажримига асосан озодликдан маҳрум қилиш жазосига алмаштирилган.

Фото: Шаҳрисабз туман ИИБ

Фото: Шаҳрисабз туман ИИБ

«Ушбу суд жараёнида содир қилган жиноятидан чин кўнгилдан қаттиқ пушаймонда бўлган, қилмишининг оқибатларини тушуниб етиб ахлоқан тузалиш йўлига кирган ва тайинланган жазони ўташ мажбурияти, чекловларига тўлиқ амал қилган озодликни чеклаш жазосини ўтаб келаётган уч нафар шахс — К.А., Б.А. ва Ш. У.лар Жиноят кодексининг 73-моддаси тартибида ўталмаган жазо муддатларидан шартли равишда озод этилди», — дейди Баҳодир Жўраев.

Изоҳ
Асосий янгиликлар
Маҳаллий
Бухорода бир қанча оилавий боғчалар фаолияти вақтинча тўхтатилди 
Маҳаллий
Германияда авиация ходимлари иш ташлаши туфайли Uzbekistan Airways Франкфуртга парвозни бекор қилди
Бизнес
Марказий Осиёда Россиянинг кўчмас мулк бозорига қизиқиш ортиб бормоқда