Сурхондарё вилояти Шўрчи туманида ошхонадаги сейфдан пул ўғирлаган аёл ушланди. Бу ҳақда вилоят ички ишлар бошқармаси ахборот хизмати хабар берди.
Маълум қилинишича, 25 июль куни туманнинг «Наврўз» маҳалласида яшовчи, ошхона иш юритувчиси вазифасида ишловчи V.В. туман ИИБга ариза билан мурожаат қилган. Унда 24 июль куни соат 16:00 да шу маҳаллада жойлашган ошхона ертўласидаги сейф ичидан 20 миллион сўм пулини номаълум шахс ўғирлаб кетганини билдирган.
Ички ишлар органлари ходимлари томонидан кўрилган тезкор чоралар натижасида ўғриликни Қумқўрғон туманида яшовчи С.Ҳ. (аёл) содир этгани аниқланиб, у қўлга олинган. 26 июль куни аёлга нисбатан Жиноят кодексининг 169-моддаси (ўғрилик) 1-қисми билан жиноят иши қўзғатилган.
Изоҳ (0)