Қозоғистон президенти молиявий мониторинг органлари томонидан нефть маҳсулотларини ноқонуний олиб чиқиб кетишга чек қўйиш чоралари кўрилмоқда. Бу ҳақда мамлакат Молиявий мониторинг агентлиги хабар қилди.
Қайд этилишича, агентликнинг Павлодар вилояти бўйича бошқармаси ходимлари томонидан АИ-95 русумли бензиннинг Қозоғистон ҳудудидан ноқонуний олиб чиқиб кетилишининг олди олинган. Ёқилғи аралашмаси номи остида Ўзбекистонга олиб ўтилиши мўлжалланган, ҳажми 280 тонна, қиймати қарийб 90 миллион тенге (тахминан 2 миллиард 52 миллион сўм) бўлган ёқилғи солинган 5 та вагон цистерна қўлга олинган.
Мутахассисларнинг хулосасига кўра, темир йўл цистерналаридан олинган намуналар К-4 экологик тоифадаги АИ-95 бензини ҳисобланади.
Дастлабки тергов маълумотларига кўра, умумий қиймати 45 миллион доллар бўлган 50 минг тонна ёқилғи ноқонуний йўллар билан мамлакатдан олиб чиқиб кетилиши режалаштирилган.
Ҳозирда тергов давом этмоқда. Терговга тегишли бошқа маълумотлар ошкор этилмайди.
Мавзуга доир:
- Тошкент вилоятида Тожикистондаги наркокурьер юборган 9 килодан ортиқ гиёҳванд моддани сотиб бермоқчи бўлган шахслар ушланди
- Тошкент вилояти божхона постида 54 минг долларни ноқонуний олиб чиқиб кетмоқчи бўлган шахслар қўлга тушди
- Ўзбекистон ҳудудига дрон олиб кирган россиялик турист жиноий жавобгарликка тортилиши мумкин
Изоҳ (0)