Самарқанд шаҳрида огоҳлантиришларга қарамасдан анчадан буён алимент тўловларини тўламаган эркакка нисбатан 15 сутка қамоқ жазоси тайинланди.
Мажбурий ижро бюроси Самарқанд шаҳри бўлими иш юритувида бўлган фуқаролик ишлари бўйича Самарқанд шаҳри судининг 2015 йил 6 мартдаги қарори билан қарздор Р.П.дан ундирувчи Х.А. фойдасига бир нафар фарзандининг моддий таъминоти учун тўртдан бир қисми миқдорида алимент ундириш тўғрисидаги ижро ҳужжати келиб тушган.
Бу бўйича қарздор Р.П. тегишли огоҳлантиришларга қарамасдан, анчадан буён алимент тўловларини тўламагани сабабли 20 миллион 777 минг сўм алимент қарздорлиги келиб чиққан.
Олиб борилган ижро ҳаракатлари натижасида қарздорга нисбатдан Маъмурий жавобгарлик тўғрисидаги кодексининг 47-(4)-моддасига асосан маъмурий иш қўзғатилиб, жиноят ишлари бўйича Самарқанд шаҳри судининг қарорига асосан 15 сутка қамоқ жазоси тайинланди.
Изоҳ (0)