Транспорт вазири ўринбосари Абдусамат Мўминов Сингапурнинг Ўзбекистондаги элчиси (қароргоҳи Сингапурда) Зулкифли бин Баҳаруддин билан транспорт соҳасидаги икки томонлама ҳамкорлик алоқаларини ривожлантириш истиқболларини муҳокама қилди.
Вазирлик матбуот хизмати хабарига кўра, Сингапурнинг жамоат транспорти, таксилар фаолиятини тартибга солиш, йўллардаги тирбандликларни бартараф этиш ҳамда аэропортлар бошқаруви каби йўналишлардаги илғор тажрибасини ўрганиш юзасидан ҳамкорлик алоқаларини йўлга қўйиш бўйича фикр алмашилди.
Элчи мазкур масалада амалий ёрдам кўрсатишга ҳамда Сингапур ушбу йўналишда Ўзбекистоннинг стратегик ҳамкорига айланишига ишонч билдирди.
Суҳбат давомида томонлар транспорт соҳасида рақамли технологиялар ва ечимларни жорий этишни жадаллаштириш муҳимлиги қайд этган ҳолда ушбу йўналишдаги ҳамкорликни фаоллаштиришга келишиб олди.
Учрашув якунида томонлар транспорт соҳасидаги ҳамкорлик алоқаларини янада ривожалантириш юзасидан келгусида амалга ошириладиган вазифаларни белгилаб олди.
Изоҳ (0)