Boeing яқин 20 йил ичида Ўзбекистонга самолёт етказиб беришни тўхтатилмаслигини маълум қилди.
Июль охирида қатор ОАВларда Boeing Россия-Украина инқирози билан боғлиқ ноаниқлик туфайли Россия ва Марказий Осиё давлатларини 2041 йилгача самолёт етказиб бериш прогнози таҳлилига киритмасликка қарор қилгани ҳақида хабарлар пайдо бўлганди.
«Дарё» манбасининг хабар беришича, шу муносабат билан Ўзбекистон Инвестициялар ва ташқи савдо вазирлиги ушбу масалани ҳал қилиш мақсадида Боинг компанияси халқаро операциялар ва сиёсат бўйича директори Б.Лопп билан бир қатор музокаралар ўтказди.
Натижада 6 август куни Америка компанияси тегишли таҳлилий ҳисоботларга ўзгартиришлар киритди. Компаниянинг расмий веб-сайти ва унинг мобил иловаларида ҳам тузатишлар киритилилган. Шунингдек, хорижий томон АҚШ компанияси томонидан юзага келган техник хато билан боғлиқ тушунмовчиликдан афсусда эканини билдирган.
Б.Лопп Ўзбекистон билан фуқаро авиациясини ривожлантириш бўйича узоқ муддатли ҳамкорликни янада ривожлантиришдан манфаатдор эканини таъкидлаган.
Изоҳ (0)