Boeing yaqin 20 yil ichida O‘zbekistonga samolyot yetkazib berishni to‘xtatilmasligini ma’lum qildi.
Iyul oxirida qator OAVlarda Boeing Rossiya-Ukraina inqirozi bilan bog‘liq noaniqlik tufayli Rossiya va Markaziy Osiyo davlatlarini 2041-yilgacha samolyot yetkazib berish prognozi tahliliga kiritmaslikka qaror qilgani haqida xabarlar paydo bo‘lgandi.
“Daryo” manbasining xabar berishicha, shu munosabat bilan O‘zbekiston Investitsiyalar va tashqi savdo vazirligi ushbu masalani hal qilish maqsadida Boing kompaniyasi xalqaro operatsiyalar va siyosat bo‘yicha direktori B.Lopp bilan bir qator muzokaralar o‘tkazdi.
Natijada 6-avgust kuni Amerika kompaniyasi tegishli tahliliy hisobotlarga o‘zgartirishlar kiritdi. Kompaniyaning rasmiy veb-sayti va uning mobil ilovalarida ham tuzatishlar kiritilgan. Shuningdek, xorijiy tomon AQSH kompaniyasi tomonidan yuzaga kelgan texnik xato bilan bog‘liq tushunmovchilikdan afsusda ekanini bildirgan.
B.Lopp O‘zbekiston bilan fuqaro aviatsiyasini rivojlantirish bo‘yicha uzoq muddatli hamkorlikni yanada rivojlantirishdan manfaatdor ekanini ta’kidlagan.
Izoh (0)