Ўзбекистон Республикаси мудофаа вазири генерал-лейтенант Баҳодир Қурбонов Ўзбекистонга расмий ташриф билан келган Тожикистон Республикаси мудофаа вазири генерал-полковник Шерали Мирзо раҳбарлигидаги ҳарбий делегацияни қабул қилди. Бу ҳақда вазирлик ахборот хизмати хабар қилди.
Учрашув давомида ҳамкорлик масалалари нафақат сиёсий, иқтисодий, маданий ва гуманитар соҳаларда, балки мудофаа ва хавфсизлик соҳаларида ҳам юқори босқичларга кўтарилгани таъкидланиб, мудофаа соҳасидаги ўзбек-тожик муносабатларининг ҳолати, уларни кенгайтириш чоралари ҳамда минтақавий хавфсизлик масалалари муҳокама этилган.
Муҳокамалардан сўнг Тожикистон Республикаси ҳарбий хизматчиларини Ўзбекистон олий ҳарбий таълим муассасаларида таълим олишини ташкиллаштириш борасида қўшимча шартнома имзоланган.
Шундан сўнг меҳмонлар Ўзбекистон Республикаси мудофаасини бошқариш миллий маркази фаолияти билан яқиндан танишган.
Изоҳ (0)