Хитой турли мақсадларда Ер орбитасига 16 та тижорат сунъий йўлдошини муваффақиятли олиб чиқди. Бу ҳақда Хитой аэрокосмик фан ва технология корпорацияси (CASC)га таяниб, «Интерфакс» хабар бермоқда.
10 август куни Пекин вақти билан соат 12:50 да (Тошкент вақти билан 09:50 да) Тайюань космодромидан «Лонг Марч-6» ташувчи ракетаси учирилди. 16 та тижорат сунъий йўлдошлари қуёш билан синхрон орбитага учирилган муваффақиятли миссия деб эътироф этилмоқда», —дейилади CASC хабарида.Корпорация маълумотларига кўра, барча 16та сунъий йўлдош Changguang Satellite Technology компанияси томонидан лойиҳалаштирилган ва қурилган.
Улар орасида «Жилин-1 Гаофен-03Д» туркумидаги ўнта оптик сунъий йўлдош мавжуд бўлиб, улардан Ерни масофадан зондлаш ва юқори аниқликдаги тасвирга олиш учун фойдаланиш режалаштирилган.
Юняо-1 серияли олтита сунъий йўлдош аппарати ҳам орбитага чиқди, уларнинг ҳар бири узун тўлқинли инфрақизил камера билан жиҳозланган, унинг ёрдамида қурилма Ер атмосферасидаги ўзгаришларни ўрганиш ва кузатиш, шунингдек, метеорологик тадқиқотларни ўтказиш имкониятига эга бўлади.
Мавзуга доир: Хитой Ерни масофадан зондлаш сунъий йўлдошини орбитага олиб чиқди
Изоҳ (0)