Хитой ва «Толибон» вакиллари Кобулда ҳамкорликни кенгайтириш имкониятларини муҳокама қилди. Афғонистон Ташқи ишлар вазирлиги маълумотларига кўра, музокараларни Хитой Ташқи ишлар вазирлигининг махсус вакили вазифасини бажарувчи Юе Сяоюн ва Афғонистон ташқи ишлар вазири Амирхон Муттақи ўтказган. Бу ҳақда «Интерфакс» хабар бермоқда.
«Хитой Афғонистон миллий иқтисодиётига ёрдам бериш учун қарағай ёнғоғидан ташқари, янги ва қуритилган мевалар сотиб олишни кўриб чиқмоқда», — деди музокараларда Хитой дипломати.
«Толибон» Ташқи ишлар вазирлиги матбуот котиби Абдул Қаҳҳор Балхийнинг айтишича, «Янги Афғонистон ҳукумати қисқа муддатда мураккаб ва муҳим вазифаларни бажара олди ва табиий офатлар ҳамда совуқ қиш билан яхши курашди».
Шунингдек, у Юе Хиаоёнгнинг Кобулга ташрифи аввал эришилган келишувларни бажаришга қаратилганлигини таъкидлаган. Бу вазир вакилининг 2021 йил августидан бери Кобулга иккинчи сафари бўлган.
Изоҳ (0)