Болалигимизда ота-оналарнинг уйдан ташқаридаги ҳаёти борлигини, уларнинг исмлари аслида «ойи» ва «дада» эмаслигини ва оилавий мажбуриятлардан ташқари, уларнинг иши ҳам борлигини тасаввур қилиш қийин эди. Айрим машҳурлар шахсий ҳаёти жамоатчилик эътиборини тортмаслиги учун баъзан ўз машҳурлигини фарзандларидан яширишни афзал кўради.
Жастин Тимберлейк ва Жессика Бил
Актриса ва қўшиқчи фарзандларини жамоатчилик эътиборидан ҳимоя қилишга қарор қилишган, чунки уларнинг болалиги тез тугаб қолишини хоҳлашмайди. Жастин Тимберлейк бошқалар ўғиллари Сайлас ва Финеасга ота-онасининг карьераси туфайли алоҳида муносабатда бўлишларини истамайди.
Женнифер Лопес
Женнифер Лопес бир неча йил аввал эгизаклари ота-онаси ҳақида мактабда эшитган ва телевизорда оналарининг чиқишларини кўрган бўлсалар ҳам улар учун онаси ёки отаси Марк Энтонининг шон-шуҳрати қизиқ эмаслиги ҳақида маълум қилган эди.
Женнифер шундай дейди: «Улар билишади: улар бу ҳақда мактабда эшитишган. Улар оталарининг қўшиқ куйлашини билишади, бизнинг чиқишимизни кўришган, мени телевизорда American Idol’да кўришган. Улар бунга парво қилмайди. Мутлақо бефарқ. Мен уларга: «Онангиз ишлаши керак», десам, улар «Нега?» деб сўрашади.
Блейк Лайвли ва Райан Рейнолдс
Актёрларнинг 3 нафар қизи бор: Жеймс, Инес ва Бетти. Гарчи улар Голливуддаги энг машҳур жуфтликлардан бири бўлса ҳам болалари учун жамоат ҳаёти фойдасиз деб ҳисоблашади.
«Қизларимиз бизга ўхшаш оддий ҳаёт кечиришларини хоҳлаймиз. Биз уларни ўзимиздаги нарсадан маҳрум қилмоқчи эмасмиз, чунки бу биз томонимиздан қилинган худбинлик бўларди», — дейди Блейк Лайвли ва Райан Рейнолдс ўз қарорларини тушунтирган ҳолда.
Крис Хемсворт
Актёр ва рафиқаси Элза Патакининг (у ҳам актриса) 3 фарзанди бор: Индия Роуз ва эгизаклар Тристан ва Саша. Ота-оналар иложи борича фарзандларидан ўзларининг юлдузли ҳаётини яширади.
«Мен ишдан келаман ва болаларимдан бири: «Дада, сиз ҳеч йиртқич ҳайвонлар билан жанг қилганмисиз?» дейди, у Торни билади. Аммо қолган иккитаси бунга аҳамият бермайди. Улар: «Ҳа, дадамиз — Тор, нима бўпти?». Телевизорда кўрган нарсангиз ва ҳақиқий ҳаётингиз ўртасидаги чизиқ аслида шундай кўринади. Улардан камида биттасига ёқар эканман. 3 тадан 1 таси — ёмон натижа эмас».
Мила Кунис ва Эштон Кутчер
Юлдузли жуфтликнинг фарзандлари — Уайт Изабел ва Димитри Портвуд турли тадбирларда бир неча бор суратга тушишган. Бир неча йил олдин Эштон Кутчер ижтимоий тармоқларда фарзандларининг суратларини нашр қилишни тўхтатишни сўраганди.
«Улар кўриб туриб, бундай ҳаётни танламадилар», деб ёзган у ўз саҳифасида.
Скарлетт Йоханссон
Актрисанинг 7 ёшли Роуз Дороти исмли қизи бор ва 2021 йилда иккинчи фарзанди — Космо исмли ўғил кўрди. Қора бева роли билан ҳаммага маълум бўлган актриса ўзининг шахсий ҳаёти ҳақида кўп гапирмайди, у ижтимоий тармоқларда йўқ, болаларининг фотосуратларини ҳам нашр қилмайди.
Жулия Робертс
Актриса 2012 йилда фарзандлари — ўғли Генри Дэниэл ва эгизаклари Ҳезел ва Финнеас онасининг машҳурлигини билмаслигини тан олди. У оналарининг юлдуз эканини сездириб қўйган кулгили воқеани шундай эслайди: «Бир киши мени таниб қолди, кейин бошқаси. Биз ўтиб кетаётганимизда кимдир: «Бу Жулия Робертс-ку», деди. Биз эса йўлимизда давом этардик, ўғлим Финн эса: «Тўғри, менинг онам — Жулия Робертс», деганди.
Изоҳ (0)