Уэйн Руни: «Манчестер Юнайтед» Роналдуни қўйиб юбориши керак

«Ди Си Юнайтед» бош мураббийи Уэйн Руни «Манчестер Юнайтед» ҳужумчиси Криштиану Роналду атрофида бўлаётган ҳолат борасида ўз фикрини билдирди.

Фикримча, «Манчестер Юнайтед» Роналдуни қўйиб юбориши керак. Бу билан у тен Ҳаг жамоасида ўйнай олмайди демоқчимасман, Роналду исталган жойда ўйнай олади ва гол уришда давом этади.

Бироқ «Манчестер Юнайтед» айни вақтда титул учун кураша олади деб ўйламайман, шундай экан асосий мақсад жамоани қайта қуришга қаратилиши керак. 3-4 йилда совринлар учун кураша оладиган жамоа барпо қилиш керак, бунинг учун режа лозим.

Агар Роналду ҳақиқатда кетишни хоҳласа, «Юнайтед» уни қўйиб юбориши ва кейинги 3-4 йилда жамоага ёрдами тега оладиган марказий ҳужумчи сотиб олиши даркор. Тен Ҳагга вақт бериш керак.

Уэйн Руни, «Ди Си Юнайтед» бош мураббийи

• Роналдунинг «Райо Вальекано»га қарши ўйин тугамасидан кетиб қолгани «Манчестер Юнайтед» устозига ёқмади
• Криштиану Роналду АПЛда янги мавсум бошланмасидан «Манчестер Юнайтед»ни тарк этмоқчи