Ueyn Runi: “Manchester Yunayted” Ronalduni qo‘yib yuborishi kerak

“Di Si Yunayted” bosh murabbiyi Ueyn Runi “Manchester Yunayted” hujumchisi Krishtianu Ronaldu atrofida bo‘layotgan holat borasida o‘z fikrini bildirdi.

Fikrimcha, “Manchester Yunayted” Ronalduni qo‘yib yuborishi kerak. Bu bilan u ten Hag jamoasida o‘ynay olmaydi demoqchimasman, Ronaldu istalgan joyda o‘ynay oladi va gol urishda davom etadi.

Biroq “Manchester Yunayted” ayni vaqtda titul uchun kurasha oladi deb o‘ylamayman, shunday ekan asosiy maqsad jamoani qayta qurishga qaratilishi kerak. 3-4 yilda sovrinlar uchun kurasha oladigan jamoa barpo qilish kerak, buning uchun reja lozim.

Agar Ronaldu haqiqatda ketishni xohlasa, “Yunayted” uni qo‘yib yuborishi va keyingi 3-4 yilda jamoaga yordami tega oladigan markaziy hujumchi sotib olishi darkor. Ten Hagga vaqt berish kerak.

Ueyn Runi, “Di Si Yunayted” bosh murabbiyi

• Ronalduning “Rayo Valyekano”ga qarshi o‘yin tugamasidan ketib qolgani “Manchester Yunayted” ustoziga yoqmadi
• Krishtianu Ronaldu APLda yangi mavsum boshlanmasidan “Manchester Yunayted”ni tark etmoqchi