Дўстлик бўлган жойда ҳар қандай қийинчиликлардан ўтиш осон бўлади. Машҳурлар орасида муваффаққиятга эришишидан олдин дўст бўлиб ҳозирга қадар бу муносабатларни мустаҳкам сақлаб келаётганлари ҳам бор. Қуйида шу каби машҳурлар келтирилади.
Ванесса Ҳадженс ва Эшли Тисдейл
Ванесса ва Эшли «Ўрта мактаб мусиқаси» лойиҳасида бирга ишлашдан олдин Sears реклама ролигида бирга суратга тушган. Шундан кейин улар яқин дўст бўлиб қолди. Ванесса Эшлининг тўй маросимида келин дугона бўлган.
Леонардо Ди Каприо ва Тоби Магуайр
Леонардо «Титаник», Тоби «Ўргимчак одам» фильмида рол ижро этишидан анча олдин дўст бўлган. Актёрлар турли синовлардан бирга ўтган. Улар охирги марта «Буюк Гетсби» фильмида бирга рол ўйнаган бўлса ҳам, ҳаётда тез-тез кўришмаса ҳам 30 йилдан ортиқроқ муддат давомида дўстлигини сақлаб келади.
Элизабет Гиллис ва Ариана Гранде
Элизабет ва Ариана Бродвейдаги карьераларининг бошида дўст бўлган. Улар «13» мусиқий танловида қатнашаётганда танишган ва Nickelodeon «Виктория — ғолиб» хити устида бирга ишлаган. Улар ўз йўлларидан кетган бўлса ҳам, ҳозиргача караоке кечаларини бирга ўтказади. Элизабет Ариананинг «Раҳмат, кейингиси» клипида ҳам суратга тушган.
Жадд Апатоу ва Адам Сендлер
Адам ва Жадд Голливудни забт этишдан олдин Лос-Анжелесдаги лойиҳада суратга тушаётган пайт бир хонада яшаган. Улар юлдуз бўлгунига қадар дебют фильмларида бир-бирига ёрдам берди.
Перис Ҳилтон ва Ким Кардашьян
Иккала машҳур ҳам бадавлат оилада туғилган. Улар болаликдан дўст бўлган. Ким реалити-шоуда шуҳрат қозонишидан олдин Парижда стилист бўлиб ишлаган.
Бини Фелдштейн ва ва Бен Платт
Бродвей юлдузлари 14 ёшида дўст бўлган ва ўрта мактабга бирга борган. Кўп йиллар ўтган бўлса ҳам, улар яқин дўст бўлиб қолди.
Кендалл Женнер ва Белла Ҳадид
Моделлар ўсмирлик даврида ижтимоий тармоқда танишган. Бироз суҳбатдан сўнг улар учрашиб кечки овқатни бирга ейишга қарор қилган. Кендалл ва Белланинг дўстлик муносабатлари ҳозирга қадар мустаҳкам.
Жейми Дорнан ва Эндрю Гарфилд
Британиялик актёрлар Голливудда машҳурликка эришишидан олдин Эдди Редмейн, Роберт Паттинсон ва Чарли Кокс билан бир уйда яшаган. Шундан кейин улар дўст бўлиб қолган.
Мэтт Деймон ва Бен Аффлек
Массачусетс штатининг икки фуқароси, актёрлар Мэтт Деймон ва Бен Аффлек 40 йилдан ортиқроқ муддатда бир-бири билан яқин дўст. Улар 1980 йилда, бир-биридан бир неча км узоқлик жойлашган уйда яшаганида танишган ва бир мактабда ўқиган. Ҳозирда ҳам Бен ва Мэтт фильм сценарийларини бирга ёзади.
Аманда Сейфрид ва Мей Уитман
«Қишлоқи қизлар» ва «Яхши қизлар» сериаллари юлдузларининг дўстлиги аслида узоқ вақт олдин бошланган. Дўстлар Голливуддаги дастлабки кунларида қизил йўлакда учрашган.
Оуэн Уилсон ва Уэс Андерсон
Актёрлар коллежда ўқиган пайтда бир хонада яшаган ва Техас университетига киргандан сўнг кинога муҳаббат қўйган. Кейинчалик улар ўзининг биринчи бадиий фильми «Идишдан ясалган ракета» кинокартинасини суратга олди.
Тина Фей ва Эми Полер
Комедия йўналишида ижод қилувчи актрисалар 1993 йилда уларга импровизацияни ўргатган Чарна Хелперн туфайли дўст бўлиб қолган. Улар дарҳол тил топишди ва Нью-Йоркка кўчиб ўтганда бир-бирини қўллаб-қувватлашда давом этди.
Мейси Уильямс ва Софи Тернер
Софи ва Мейси «Тахтлар ўйини» фильмининг кастингида учрашган ва шунда кейин дўст бўлиб қолган. Ўша пайтда улар ўсмир бўлган. Сериалнинг 8-фаслини суратга олиш жараёнида қизлар жуда яқин дўст бўлган. Софи Мейсини Жо Жонас билан тўйига келин дугона бўлишга таклиф қилган.
Наоми Уотц ва Никол Киддман
Актрисалар бугунги кунгача дўстлигини сақлаб келмоқда. Уларнинг 38 йиллик дўстлиги Австралияда, ўрта мактабда ўқиб юрган пайтларида бошланган. «Флирт» фильмида бирга суратга тушгандан кейин уларнинг муносабатлари янада мустаҳкам бўлди.
Бритни Спирс ва Мадонна
Бу машҳурларнинг дўстлиги кўп йиллар олдин бошланган. Бритнининг тўйида Мадонна иштирок этган.
Мавзуга доир:
- Юрий Яковлев, Чарли Чаплин ва бир фильмда бир нечта образларни гавдалантирган бошқа машҳурлар (видео)
- Ташқи кўриниши бир хил: ҳамма доим бир-бири билан адаштирадиган машҳурлар (фото)
- Ота-онаси уларни қўллаб-қувватлаш учун қўлидан келган ҳамма нарсани қилган машҳурлар (фото)
- Орзулар амалга ошади: Мухлислари билан турмуш қурган машҳурлар (фото)
Изоҳ (0)