Дилдора Ниёзова санъаткорлар билан яқин муносабатда эмаслиги ва гап кўпайишидан ҳайиқиши ҳақида (видео)

Хонанда Дилдора Ниёзова «Дарё» интернет нашрига берган интервьюсида нима учун ҳамкасблари билан кам мулоқотда бўлиши ва аввал уни санъаткорлар нима учун ёқтиришмагани ҳақидаги саволга жавоб берди.

— Мени ёқтиришмагани учун ҳам раҳмат. Чунки икки аёл бир-бирига қўшилса, билиб-билмай хато гапириб қўямиз. Аёл киши ғийбат қилишга мойил бўлади. Инсон қанча бекорчи бўлса, шунча кўп гуноҳ ва нотўғри ишлар қилиб қўяди. Уларга қўшилмаганимга ва ёқтиришмаганига ҳам раҳмат. Балки улар ёқтиришмади деб нотўғри хулоса қилгандирман. Санъаткорлар билан гап-гаштакларга бориб, борди-келди қилмасам ҳам улар билан муносабатларим яхши. Кўрганда табассум билан кўришаман, шунинг ўзи етади. Ортиқча бир соат гаплашиб қолсам гап кўпаяди, кейин бошни ушлаб нега шундай дедим, деб афсусланамиз. Ўзимнинг феъл-атворимни билганим учун санъаткорлар даврасидан нари-бери бўлишни маъқул кўраман.Умр жуда қисқа. Уй ишларини қилиб, болаларим билан шуғуллангунимга қадар кеч тушади. Ишларимни қилиб, уйқуга кетгунимга қадар кечки соат 1-2 бўлиб кетади. Эртаси куни бу жараён яна такрорланади.Яқин бир инсонимнинг ишлари юришган вақтида кўчадаги дўст-у дугоналари кўп бўлган. Бошига иш тушгач. Уларнинг сафи анча камайди. Мен аввалги кўп пул топган пайтимда ҳам ҳеч ким билан дугона бўлмаганман, ҳозир ҳам худди шундай.Кўпчилик санъаткор аёллар гап-гаштак ўйнашни таклиф этишди. Аммо уларнинг бирортасига бормаганман. Кейинчалик эса барибир келмайди, деб чақирмай ҳам қўйишган, — дейди хонанда Дилдора Ниёзова.

Мавзуга доир:

• «Қиз бола бўла туриб бу қўшиқни айтгани уялмайсанми?, деганлар» — Дилдора Ниёзова «Ишонма» қўшиғини айтгани учун отаси ундан қаттиқ ранжигани ҳақида (видео)
• «Клипнинг телеканалда бир марта қўйилиши — 100 доллар». Дилдора Ниёзова ёш хонандалар санъатга кириб келганида дуч келадиган қийинчиликлар ҳақида (видео)
• «Соғлиғимдаги муаммо туфайли ўлиб қолсам керак дегандим» — Дилдора Ниёзова илк марта кутилмаган қарорининг сабаби ва 10 минг долларлик тўйни рад этгани ҳақида сўзлаб берди (видео)
• «Пулни яхши кўрасизда, шунинг учун санъатдан кетолмайсиз’ дейишади» — Дилдора Ниёзова турмуш ўртоғининг жаҳл устида чиқарган видеоси ва оиласидаги синовли кунлар ҳақида гапирди (видео)