2022 йилнинг февраль ойида хонанда Адел Силвестр Сталлоненинг Беверли-Хиллздаги кошонасини сотиб олди. Эндиликда у Лос-Анжелесда тўртта мулкка эгалик қилади, деб ёзади «Правила жизни».
Маълумотларга кўра, у 58 миллион долларлик ҳашаматли уйни сотиб олиш учун 37,7 миллион доллар ипотека кредити олган. Таъкидланишича, бу 34 ёшли қўшиқчи учун жуда ҳам жиддий маблағ: унинг бойлиги 183 миллион долларга баҳоланган.
Нашрнинг ёзишича, 30 йил давомида Адел ойига 227 минг доллар, жумладан, мол-мулк солиғи ва ипотека фоизларини тўлаши керак. Кредит шаҳар Миллий банки томонидан берилган.
Янги кошонада Адел севган инсони Рич Пол билан яшайди, жуфтлик бир неча ой олдин у ерга кўчиб ўтган. 2022 йилнинг май ойида хонанда уй олдида унинг калитларини ушлаб турган сурати билан бўлишган.
Муҳташам уй 1700 квадрат метр майдонни эгаллайди, участканинг ҳудуди 1,4 гектарни ташкил қилади. Уйда саккизта ётоқ хона, 12 та ҳаммом, уй кинотеатри, сузиш ҳавзаси ва «ҳақиқий Рокки спорт зали» мавжуд.
Қолаверса, 2022 йил январь ойида Адел логистика ва коронавирус билан боғлиқ муаммолар туфайли Лас-Вегасда узоқ кутилган концертини қолдирганини эълон қилганди. Яқинда у қолдирилган концертлар ноябрь ойида бўлиб ўтишини маълум қилди. Хабар қилинишича, у ҳар бир шоу учун 1 миллион доллардан олади.
Изоҳ (0)