Жиззах вилояти Бахмал туманида 2 август куни юк машинаси ағдарилиб кетди. Бу ҳақда вилоят Ички ишлар бошқармаси хабар қилди.
Маълум қилинишича, йўл-транспорт ҳодисаси шу куни соат 11:00 да «Музбулоқ» маҳалласи ҳудудидан ўтган Даштобод—Зомин—Ғаллаорол 4Р-40 автомобиль йўлининг 107-километрида содир бўлган. Музбулоқ қишлоғида яшовчи ҳайдовчи «Газ-53» юк машинасида Зомин йўналиши бўйича ҳаракатланаётиб, рул бошқарувини йўқотган. Машина йўлнинг чап томонига ағдарилиб кетган.
ЙТҲ оқибатида машина салонидаги йўловчи тан жароҳатлари олиб, воқеа жойида вафот этган.
Ҳолат юзасидан жиноят иши қўзғатилган.
Изоҳ (0)