Давлат тест маркази 2022/2023-ўқув йили қабулида олий таълим муассасаларининг бакалавриат таълим йўналишлари учун тест синовлари ўтказиладиган бино, стадион ва хиёбонлар бўйича маълумотларни эълон қилди.
Унда қуйидаги маълумотлар акс этган:
- тест синови ўтказиладиган ҳудуднинг расми;
- ҳудудга кириш жойлари;
- тест синови ўтказиладиган жой номи;
- тест синови ўтказиладиган жой манзили;
- сектор рақами;
- тест синови ўтказиладиган гуруҳлар;
- жойларнинг гоогле харитадаги геолокацияси.
Эслатиб ўтамиз, ДТМ 2022/2023-ўқув йили учун олий таълим муассасаларига кириш тест синовларини ўтказиш учун 58 та стадион ва хиёбон тайёрланаётганини маълум қилганди. Кириш тест синовлари 8 августдан бошланади ва кунига икки сменада ўтказилади:
- 1-сменада 07:00 дан 10:00 га қадар;
- 2-сменада 19:00 дан 22:00 га қадар.
Тест синовларининг очиқ ва шаффоф ўтишини таъминлаш мақсадида халқ таълими ва олий таълим муассасаларининг 3 500 нафарга яқин раҳбар ва педагог кадрлари гуруҳ назоратчилари сифатида жалб этиш режалаштирилган.
Изоҳ (0)