АҚШнинг Forbes компанияси 630 млн долларга сотилиши режалаштирилмоқда

Forbes Media ўз бизнесини сотиш имкониятларини ўрганмоқда. Бу ҳақда The New York Times (NYT) хабар берди.

Нашриёт транзакцияни камида 630 млн долларга амалга оширишни истамоқда.

Сўнгги ҳафталарда АҚШнинг энг йирик медиахолдинглари, жумладан Yahoo ҳам Forbes молиявий кўрсаткичларини тавсифловчи ҳужжатни тарқатган. У Citigroup томонидан тайёрланган.

Ҳужжатга кўра, компания 2021 йилда 200 млн доллардан ортиқ даромад ва 40 млн доллардан ортиқ фойда олган.

Forbes 1917 йилда ташкил этилган. Forbes оиласи 2014 йилда Гонконгда жойлашган Integrated Whale Media Investments компаниясининг асосий улушини сотган.

Ўша пайтда Forbes Media активлари 475 млн долларга баҳоланган. Компания 76 мамлакатда 45 та лицензияланган маҳаллий версияга эга.

Аввалроқ IKEA Россиядаги барча мебель фабрикаларини сотмоқчилиги ҳақида хабар берилганди.