Тошкент шаҳри Миробод туманидаги кўчмас мулк биноси кимошди савдосига қўйилди. Лот маълумотлари «E-auksion» порталида эълон қилинган.
Ер участкасининг умумий майдони — 0,11 гектар. Бинонинг майдони — 1242 квадрат метр. Бинода сув, электр, газ таъминоти ва канализация тизими мавжуд.
1994 йилда қурилган ушбу бино 2 қават, 22 та хонадан иборат.
Лот изоҳида ёзилишича, ер майдони ижара ҳуқуқи билан савдога қўйилган. Унда ноқонуний қурилиш ҳам бор. Шунингдек, 527 квадрат метрлик ертўла мавжуд.
Аукционга қўйилган бинонинг бошланғич баҳоси — 38 млрд сўм. Аризалар 29 август 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкентдаги меҳмонхона 13,9 млрд сўмга аукционга қўйилгани ҳақида хабар берилганди.
Изоҳ (0)