Банклар томонидан 2022 йилнинг январь—июнь ойлари давомида 87 трлн сўм миқдорида кредитлар ажратилган. Бу ҳақда Марказий банк хабар бермоқда.
Бу кўрсаткич ўтган йилнинг мос даврига нисбатан 10 фоиз ортган.
Жорий йилнинг январь—июнь ойларида банклар томонидан ўртача ойлик кредитлар 14,5 трлн сўмни ташкил этган.
Мазкур кредитларнинг 70 фоизи (61 трлн сўм) корпоратив ва 30 фоизи (26 трлн сўм) чакана кредитлари ҳиссасига тўғри келади.
Шунингдек, ажратилган кредитларнинг 26 фоизи қисқа муддатли ва 74 фоизи узоқ муддатли, ҳамда 66 фоиз кредитлар миллий валютада ва 34 фоиз хорижий валютадаги кредитлар ҳиссасига тўғри келган.
Банкларнинг жами кредит портфели 2022 йилнинг 1 июль ҳолатига 344 трлн сўмни ташкил этади. Уларнинг 77 фоизи корпоратив кредитлар, 23 фоизи чакана кредитлар.
Жами кредит портфели қолдиғи жорий йил бошига нисбатан 5 фоизга ёки 17 трлн сўмга ошган. Корпоратив кредитлар 2 фоизга, чакана кредитлар эса 16 фоиз яъни 11 трлн сўмга ўсган.
Чакана кредитлар ўсиши микроқарзлар қолдиғининг 5,7 трлн сўм, ипотека кредитларининг 4,7 трлн сўмга, таълим кредитларининг 436 млрд сўмга, автокредитларнинг 422 млрд сўмга ўсиши ва бошқа истеъмол кредитлар қолдиғи 943 млрд сўмга камайгани билан изоҳланади.
Аввалроқ Навоий кон-металлургия комбинати 1,2 млрд доллар кредит олгани ҳақида хабар берилганди.
Изоҳ (0)