Молиявий интизом акси — кредит тарихи ўзи нима?

Марказий банкнинг Finlit лойиҳаси кредит тарихи ҳақида батафсил маълумот берди. 

Кредит тарихи – бу фуқаронинг қаердан, қайси кредит ташкилотидан, қанча миқдорда қарз олганингиз ва кейинчалик уни қандай тўлаганингиз тўғрисида батафсил маълумот. 

Яъни бу унинг қарз олувчи сифатида молиявий интизомингиз аксидир

Ўзбекистон «Кредит маълумотлари алмашинуви тўғрисида»ги қонунига асосан кредит тарихи қарздорнинг сўнгги беш йил ичидаги мажбуриятлари тўғрисидаги маълумотларни ўз ичига олиб, қуйидагиларни акс эттиради:

• қарздор тўғрисида;
• жорий ва ёпилган кредитлар; 
• товар кредитлари қиймати; 
• расмийлаштирилган санаси, муддати ва қолдиғи тўғрисида;
• муддати ўтган қарздорликлар тўғрисида;
• жорий ва ёпилган кредитга қўйилган гаров мулки ва мулк эгаси тўғрисида
• суд жараёнидаги кредитлар тўғрисида;
• кредит тарихи шаклланган сана ва уни тайёрлаган ташкилот тўғрисида.

Қандай қилиб яхши кредит тарихини шакллантириш мумкин?

Мобил телефон ва бошқа қурилмаларга кредитни қайтариш жадвалига мувофиқ белгиланган тўлов саналарини эслатмага жойлаштириш керак.

Бундан ташқари кредит бўйича амалга оширилган навбатдаги тўловдан сўнг, ҳар сафар банк ходимидан, мобил иловаси ёки веб-сайтдаги шахсий кабинет орқали текшириб бориш зарур.