Ўзбекистон ва бошқа мамлакатларда ўртача ойлик иш ҳақи қанча?

Ўзбекистондаги ўртача ойлик иш ҳақи 3,5 млн сўмни ташкил этгани ҳақида хабар берилган эди.

«Дарё» бошқа мамлакатларда ўртача ойлик иш ҳақи қанча эканлигини аниқлади.

Ҳисоб-китоблар давлатларнинг статистика идоралари томонидан қайд этилган маошларга кўра амалга оширилди. Қулайлик учун суммалар сўмда кўрсатилган.

Марказий Осиё давлатларида ўртача ойлик иш ҳақи:

• Қозоғистон — 6,8 млн сўм ;
• Қирғизистон — 3 млн сўм;
• Тожикистон — 1,8 млн сўм;
• Туркманистон — 3,1 млн сўм.

Май ойига кўра, Россияда ўртача ойлик иш ҳақи 10,9 млн сўмга тенг.

Туркиядаги юқори инфляция сабаб маошлар тушган. Ҳозирда мамлакатнинг ўртача ойлик иш ҳақи — 6,1 млн сўм.

Японияда ойлик маошлар май ойида кўтарилиб, ўртача иш ҳақи 25,5 млн сўмга етган.

Июль ойи маълумотларига кўра, АҚШда ўртача ойлик иш ҳақи 63,9 млн сўмга тенг.

Маълумотларга кўра, бугунги кунда ўртача маош энг юқори давлат Швейцария. Мамлакатда бу кўрсаткич — 81,9 млн сўм.

Кейинги ўринларда мос равишда Лихтенштейн (67,6 млн сўм) ва Дания (72 млн сўм).

Ҳозирда энг кам ўртача ойлик иш ҳақи Кубада ҳисобланади. Мамлакатда бу кўрсаткич 523 минг сўмни ташкил этади. Кейинги ўринда 916 минг сўм билан Конго жойлашган.

Аввалроқ Ўзбекистоннинг қайси ҳудудларида энг юқори маош тўланиши маълум бўлган эди.