Moliyaviy intizom aksi — kredit tarixi o‘zi nima?

Markaziy bankning Finlit loyihasi kredit tarixi haqida batafsil ma’lumot berdi. 

Kredit tarixi – bu fuqaroning qayerdan, qaysi kredit tashkilotidan, qancha miqdorda qarz olganingiz va keyinchalik uni qanday to‘laganingiz to‘g‘risida batafsil ma’lumot. 

Ya’ni bu uning qarz oluvchi sifatida moliyaviy intizomingiz aksidir

O‘zbekiston “Kredit ma’lumotlari almashinuvi to‘g‘risida”gi qonuniga asosan kredit tarixi qarzdorning so‘nggi besh yil ichidagi majburiyatlari to‘g‘risidagi ma’lumotlarni o‘z ichiga olib, quyidagilarni aks ettiradi:

• qarzdor to‘g‘risida;
• joriy va yopilgan kreditlar; 
• tovar kreditlari qiymati; 
• rasmiylashtirilgan sanasi, muddati va qoldig‘i to‘g‘risida;
• muddati o‘tgan qarzdorliklar to‘g‘risida;
• joriy va yopilgan kreditga qo‘yilgan garov mulki va mulk egasi to‘g‘risida
• sud jarayonidagi kreditlar to‘g‘risida;
• kredit tarixi shakllangan sana va uni tayyorlagan tashkilot to‘g‘risida.

Qanday qilib yaxshi kredit tarixini shakllantirish mumkin?

Mobil telefon va boshqa qurilmalarga kreditni qaytarish jadvaliga muvofiq belgilangan to‘lov sanalarini eslatmaga joylashtirish kerak.

Bundan tashqari kredit bo‘yicha amalga oshirilgan navbatdagi to‘lovdan so‘ng, har safar bank xodimidan, mobil ilovasi yoki veb-saytdagi shaxsiy kabinet orqali tekshirib borish zarur.