Бугун,

  • USD 11095.31
  • RUB 173.84
  • EUR 10772.44

Ўзбекистон ва Озарбайжон Тошкент шаҳрида заргарлик буюмлари ишлаб чиқариш бўйича қўшма корхона ташкил этишга келишиб олди. Бу ҳақда Инвестициялар ва ташқи савдо вазирлиги хабар берди.

Фото: Инвестициялар ва ташқи савдо вазирлиги матбуот хизмати

Фото: Инвестициялар ва ташқи савдо вазирлиги матбуот хизмати

Маълум қилинишича, 1 август куни Тошкентда бош вазир ўринбосари — инвестициялар ва ташқи савдо вазири Жамшид Хожаев ва Озарбайжон иқтисодиёт вазири Микайил Жаббаров раислигида Ўзбекистон ва Озарбайжон ўртасидаги ҳамкорлик бўйича ҳукуматлараро қўшма комиссиянинг 11-йиғилиши бўлиб ўтди.

Йиғилишда инвестициявий, саноат, савдо-иқтисодий, транспорт ва логистика соҳаларида ҳамкорликни янада ривожлантириш масалалари кўриб чиқилди ва келишиб олинди.

Хусусан, инвестициявий ҳамкорлик ва саноат кооперацияси муҳокамаси доирасида Бард шаҳри яқинидаги 6 та туманда кластерини ташкил қилиб, ипак ишлаб чиқаришни йўлга қўйиш, Евлах пилот агропарки ва Агдам саноат паркида янги лойиҳаларни ишлаб чиқиш, Тошкент шаҳрида заргарлик буюмлари ишлаб чиқариш бўйича қўшма корхона ташкил этиш, кимё саноати, энергетика, нефть ва газ соҳаларида ҳамкорликни ривожлантириш каби қўшма лойиҳаларни амалга ошириш бўйича қатор масалалар келишиб олинди.

Ўзаро савдони жадаллаштириш мақсадида Ўзбекистон—Озарбайжон Ишбилармонлар кенгаши йиллик йиғилишини ва ўзаро савдо миссияларини ўтказиш амалиёти жорий этилади.

Томонлар 2022 йилнинг ноябрида Тошкент шаҳрида Ҳудудларнинг биринчи форумини, шунингдек, Ўзбекистон ва Озарбайжоннинг турли вилоятларидаги ишлаб чиқарувчилар кўргазмасини ташкил этишга келишди.

Шунингдек, транспорт-логистика салоҳиятини рўёбга чиқариш доирасида Транс-Каспий йўналиши бўйича икки томонлама ва транзит ташиш ҳажмини ошириш учун қулай шарт-шароитлар яратиш бўйича ишларни давом эттириш, шунингдек, жорий йилнинг июнь ойида энг юқори даражада имзоланган халқаро автомобиль транспорти шартномаси доирасида ишларни жадаллаштириш зарурлиги таъкидланди.

Учрашув давомида маданий-гуманитар муносабатлар доирасидаги ҳамкорлик, икки томонлама туристлар оқимларни ошириш ва таълим соҳасида тажриба алмашиш, шу жумладан, икки мамлакат университетлари ўртасида тўғридан-тўғри алоқаларни ривожлантириш масалаларига алоҳида ҳам эътибор қаратилган.

Изоҳ
Асосий янгиликлар
Дунё
Туркия ва Суриядаги зилзила нега ҳалокатли оқибатларга олиб келди?
Маҳаллий
“Қардошларимизга ҳамдардмиз”. Ўзбек жамоатчилиги Туркиядаги зилзилага муносабат билдирди
Маҳаллий
Шавкат Мирзиёев ҳарбий хизматга навбатдаги чақирув бўйича қарорни имзолади