Тошкентда ўтказилган ШҲТга аъзо давлатлар ташқи ишлар вазирлари кенгаши йиғилишидан фоторепортаж

Тошкентда 29 июль куни ШҲТга аъзо давлатлар ташқи ишлар вазирлари кенгаши йиғилиши бўлиб ўтди.

Йиғилишда Ҳиндистон ташқи ишлар вазири Субраманям Жайшанкар, Қозоғистон Бош вазирининг ўринбосари — ташқи ишлар вазири Мухтор Тлеуберди, Хитой давлат кенгаши аъзоси, ташқи ишлар вазири Ван И, Қирғизистон ташқи ишлар визири Жеенбек Кулубаев, Покистон ташқи ишлар вазири Билавал Бхутто Зардарий, Россия ташқи ишлар вазири Сергей Лавров, Тожикистон ташқи ишлар вазири Сирожиддин Муҳриддин, шунингдек, ШҲТ бош котиби Чжан Мин ва ШҲТ Минтақавий аксилтеррор тузилмаси ижроия қўмитаси директори Руслан Мирзаев иштирок этди.

Йиғилиш 15–16 сентябрь кунлари Самарқанд шаҳрида ўтказилиши режалаштирилган ташкилот саммитига тайёргарликнинг якуний босқичи ҳисобланади.

Тадбир якунида ҳужжатларни имзолаш маросими ҳамда Ташқи ишлар вазири в.б. Владимир Норов иштирокида йиғилиш якунига бағишланган брифинг ҳам ўтказилди. «Дарё» мухбири ушбу тадбирдан фоторепортаж тайёрлади.